الرئيسية / اخبار السيارات / يعنى ايه فرامل ABS ؟؟
يعنى ايه ABS

يعنى ايه فرامل ABS ؟؟

يعنى ايه فرامل ABS ؟؟

دا اختصار ل Anti-lock Breaking System

فى المقالة المختصرة دى هتعرف يعنى ايه فرامل ABS -الفرامل ضد الغلق او ضد الانغلاق من الاسم هيا عباره عن فرامل لما بتدوس عليها مش بتمسك فى الكاوتش مره واحده هيا بتجزأ الضغط على الفرامل الى عدة ضغطات

ال ABS الغرض منها انها توفرلك تحكم فى العربية وقت زحف العربية يعنى انت لما بتدوس فرامل وبتحاول تتحكم فى العربيه يمين و شمال دا مش بيحصل فى الفرامل العادية

اللى بيحصل انها بتجزأ دوسه الفرامل الى عدة ضغطات عشان تديلك تحكم مع دوران فبالتالى انت تعرف تتحكم وتتلاشى حدوث كارثة

ومن مزايا ال ABS

1-ثبات و تحكم فى السيارة

2-تحكم فى الفرامل وقت استخدام الفرامل بشكل مفاجئ

3- تحكم فى السيارة على الاسطح الزلقه مثل الزيت و الثلج و المطر و الرمل

4-تقليل مسافة التوقف

ازاى بتشتغل ال ABS

عن طريق سينسور سرعة موجود على كل عجلة او ما بيكتشف فرامل بشكل مفاجئ السينسور بيبعت معلومات لوحده التحكم عشان يبدأ يجزأ الضغط على  الفرامل

من انظمة تعزيز الفرامل

فى نظام تانى اسمه EBD ودا نظام مكمل لنظام ABS وهو اختصار Electronics Break-force Distribution معناه نظام توزيع قوة الفرامل الالكترونى وهونظام بيقوم بتوزيع قوة الفرمله على حسب حالة الطريق وتوزيع الحمل او الوزن على العجل و السرعة

الوظيفة الاساسية للنظام انه يتأكد من تقليل ضغط الفرامل على الجزء الخلفى من السيارة لان الوزن بيبقى قليل فى الجزء الخلفى للسياره ودا اللى بيخلى العربية تلف

 

كل مشاكل الفرامل بالفيديو

عن Mohamed

محمد عاطف حاصل على بكالريوس تجارة و الدراسات العاليا بالتسويق اعمل بمجال التسويق الالكترونى.اعشق عالم السيارات وبس كدا